Огромна дупка се отвори на патот Маврово-Дебар. Најверојатно, ова е последица на лизгање на земјиштето, а зафаќа една цела коловозна лента. Дупката е со длабочина од околу 20 метри.
Очевидци велат дека поради навременото превенирање од полицијата, избегнат е несреќен случај бидејќи патот е фреквентен.
Патот беше целосно затворен за сообраќај до 12 часот, поради опасност дупката да се прошири и на другата сообраќајна лента. Оспособен е помошен пат и делницата е отворена за сообраќај.
Дупката се пополнува со песок информираат од ЈП за одржување магистрални и регионални патишта.