Најмалку 15 лица загинаа денеска при гранатирање на Дамаск, на третиот ден од муслиманскиот празник Рамазан, соопшти опозицискиот Сириски центар за мониторинг на човековите права.
– Шест лица загинаа кога три гранати, кои веројатно ги истрелале бунтовниците, паднале да улиците во центарот на Дамаск. Останатите деветмина се убиени во големото гранатирање на квартот Кабун од страна на режимските сили, нагласи оваа невладина организација.
Сириската армија кон крајот на минатиот месец започна операција за враќање на контролата врз Кабун и други делови на Дамаск под контрола на бунтовниците.