Поранешниот чешки премиер Петр Нечас, кој поднесе оставка по притворањето на неговата најблиска соработничка и уште шест лица заради противзаконско прислушување и корупциска афера, смета дека целиот случај е монтиран политички процес.
Како што јави дописникот на МИА од Прага, Нечас смета дека нема причина за одземање на неговиот имунитет и ја критикуваше полицијата за водењето на целата постапка. Нечас е осомничен дека на тројца пратеници од неговата Граѓанска демократска партија (ОДС), кои не сакале да гласаат за битни закони од владин пакет, им ветил други функции доколки се откажат од пратеничките мандати.
Нечас, претходно изјави дека не бил склучен никаков договор за оставка на пратениците во замена за други функции. Поради вмешаноста на шефот на неговиот Кабинет, Јана Нагиова во коруциската и афера на прислушување на неговата сопруга и други лица, Нечас поднесе оставка на премиерската и лидерската функција.