Рано утрово, припадници на српската полиција пронашле опожарен автомобил „пасат“ во атарот на селото Тешица, кој припаѓал на семејството Ѓокиќ од Алексинац, кое исчезна ноќта помеѓу неделата и понеделникот, пред шест дена.
Возилото на исчезнатото семејство е пронајден на непристапен терен.
Недалеку од изгорениот пасат на исчезнатото семејство Ѓокиќ лоциран утрово, пронајдени се тела покриени со гранки и лисја, за кои се уште ништо не се знае.
Како што пренесуваат српските медиуми, нефицијално засега не е познато чии се телата и колку се на број.
Полицијата го блокираше потегот помеѓу селата Драшевац и Тешица, а форензичарите се на терен.
Исчезнатите татко и ќерка носеле мобилни телефони со себе, кои биле исклучени во 3 часот наутро, ноќта на исчезнувањето.
Исчезнувањето на Горан Ѓокиќ (57), неговата сопруга Гордана (56) и ќерката Лидија (25), беше пријавено на 28 септември, а полицијата во средата започна интензивна потрага по нив.