Министерот за труд и социјална политика Диме Спасов ги демнатира информациите дека ќе се зголеми границата за пензионирање.
Спасов вели дека во македонскиот пензиски систем во овој моментот нема промена во законските услови за стекнување право на старосна пензија.
„Во моментот условот за стекнување право на старосна пензија е 64 години живот (маж), односно 62 години на живот (жена) и најмалку 15 години пензиски стаж.
– Иако во европските држави постои тренд на зголемувањето на условите за стекнување право на старосна пензија, во македонскиот пензиски систем во овој моментот нема промена во законските услови за стекнување право на старосна пензија. Би сакал да истакнам дека во моментов нема започнато процедура за измена на Законот за пензиско и инвалидско осигурување ниту во Министерството ниту во Владата“, вели министерот во интервјуто за Вечер.
Голема е одговорноста, вели Спасов, а уште поголем е предизвикот да се работи во министерство кое има хумана и добродетелна дејност.
Министерот во интервјуто вели дека има за цел да им помогне на што е можно поголем број граѓани, да се подобри услугата од институциите, а на оние кои се во каква било неможност да дојдат до своите социјални права.