Петмина затвореници погинаа во бунт во затвор на југозапад на Венецуела.
Управникот на затворот Вилмер Апостол, изјави дека бунтот избил пред три дена, по што Националната гарда ја загуби контролата на затворот.
Бунтот, во кој беа ранети петмина чувари, почна минатиот петок, кога водачот на затворениците, киднапираше 57 жени од женското крило на затворот.
Вооружените затвореници пукаа во војниците кои безуспешно се обидуваа да ја вратат контролата над затворот. Киднапираните жени и околу 300 затвореници се уште се под контрола на бунтовниците.
Насилставата се вообичаени во пренатрупани затвори во Венецуела, каде затворениците често успеваат да дојдат до оружје.