Едно лице загинало на лице место во сообраќајка на патот кон Стража, пред Маврово, попладнево.
Очевидци велат дека се судриле три возила и дека има и повредени лица.
Полиција, Брза помош и Пожарна се веќе на местото каде што се случила сообраќајката.
Очевидците велат дека сообраќајот е стопиран во двете насоки и кон Стража и од Стража кон Скопје и веќе се формирани долги колони возила.
АМСМ соопшти дека од 15.45 часот, поради сообраќајна незгода, сообраќајот на магистралниот пат Гостивар – Кичево А-2 на местото викано Новоселски пат е во целосен прекин.
МВР за подоцна најави детали за сообраќајната незгода.
Од таму известија дека денес на делницата Тетово – Гостивар казнети се 86 возачи кои возеле 50 – 70 километри на час над дозволената брзина.
