Градоначалникот на вториот по големина град во Грција Јанис Бутарис, се закани дека ќе поднесе оставка заради владините планови за поставување на полициски и други општински службеници во таканаречената „шема за мобилност“, како дел од обврските на Грција кон меѓународните кредитори, соопшти електронското издание на весникот „Катимерини“.
Бутарис изјави дека доколку информациите за владините планови се точни тогаш општината на овој северен пристанишен град ќе загуби околу 1.000 службеници.
Тој подвлече дека без доволен број службеници дејноста на полицијата во Солун ќе биде невозможна.
– Ако тоа се случи општината нема да биде во состојба да си ја врши работата, изјави Бутарис.
„Ако тоа продолжи јас ќе ги предадам моите клучеви“, додаде тој.
Владата презеде обврска да стави 12.500 државни службеници во „шема за мобилност“, што значи дека тие ќе бидат префрлени во други оддели или отпуштени во текот на една година.