Новата учебна година успешно започна со отворени училишта за сите ученици во основното и средното образование. Над 187.000 основци и 70.000 средношколци, со почитување на сите здравствени протоколи, по една и пол година учење на далечина седнаа во своите клупи рече на прес конференција пратеничката на СДСМ, Лидија тасевска.
„Нема подобра опција од настава со физичко присуство, затоа апелираме до наставниците, учениците и родителите доследно да се придржуваме до мерките, бидејќи така ќе одржиме континуитет на настава со физичко присуство и истовремено ќе го заштитиме јавното здравје.Во изминатиот период имаше интензивни подготовки, следејќи ги препораките на надлежните здравствени институции, но и на светските организации како СЗО и УНИЦЕФ. Се изработија протоколи за работа и се преземаа сите други безбедносни мерки од здравствен аспект за да можат училиштата повторно да работат со физичко присуство на учениците и наставниците“ – рече Тасевска.