Американски патолози се обидуваат да откријат дали една од двете загинати девојки, жртви при падот на „боингот 777“, во Сан Франциско ја прегазило противпожарно возило. 16-годишното девојче е пронајдено покрај тобоганот за евакуација.
-Судејќи според повредите кои се констатирани, можно е девојката во општиот метеж да е прегазена од едно од нашите возила или некое друго возило кое пристигнало на местото на несреќата. Нејзините повреди одговараат на оние кои настануваат по преминување на возило врз тело.
– Тоа сега е предмет на нашата истрага- изјави шефицата на противпожарната служба на Сан Франциско Џоан Хејис Вајт, додавајќи дека судот ќе ги разгледа видео снимките од безбедносните камери на аеродромот.
Патологот, Роберт Фукро истакна дека на телото нема трагови од поголеми изгореници, но што се случило ќе дознаат по обдукцијата.
Смртта кај втората жртва настапила од повредите кои настанале кога во текот на ударот на авионот на пистата била катапултирана во висината.
Девојки Је Менг Јуан и Ванг Лин Џија патувале од Кина во САД, во летниот камп на Универзитет во Станфорд, а потоа во Христијанското училиште во Долини Сан Фернандо. Надлежните се уште работат на откривање на причините за несреќата.
Eлена Георгиевска