Земјите од Г-7 усвоија заеднички пристап за евакуација и план за односите со талибанците

Од:

Британскиот премиер Борис Џонсон, по итната видеоконференција на Г-7, изјави дека организацијата на седумте најразвиени земји во светот постигнала договор за планот за како да се однесува кон талибанците.

– Она што го направивме денеска како Г-7 е постигнување договор, не само за заеднички пристап за решавање на евакуацијата, туку се согласивме и за план како ќе се однесуваме кон талибанците, рече Џонсон по итниот видео самит на седумте најразвиени земји во светот.

Тој повтори дека условот број еден за талибанците е тие да мора да гарантираат безбеден премин за секој што сака да го напушти Авганистан по 31 август.

Џонсон изрази надеж дека талибанците ќе сфатат дека, како што рече, Г7 е организација која има клучно глобално „економско, дипломатско и политичко влијание“.

– Она што сакаме да го порачаме е дека Авганистан не може повторно да стане жариште на терор, ниту нарко држава, а девојчињата мора да имаат право на образование до 18-годишна возраст, рече британскиот премиер.

На прашањето дали лидерите на Г-7 извршиле притисок врз американскиот претседател Џозеф Бајден за неговиот пристап кон решавање на кризата и за одбивањето да го продолжи рокот за заминување на преостанатите американски војници од Авганистан по 31 август, Џонсон рече дека евакуацијата од Кабул претставува многу значаен успех за војската“.

– Убедени сме дека можеме да извлечеме уште илјадници луѓе, меѓутоа, ситуацијата на аеродромот во Кабул не е ништо подобра, одговори Џонсон.

Би можело да ве интересира

УНИЦЕФ ги повика талибанците да дозволат девојчињата да се вратат на училиште

Земјите од Г7 размислуваат како да и помогнат на Украина со замрзнатите руски средства

Пекинг ги обвини земјите од Г7 дека соработуваат за да ја „клеветат и нападнат“ Кина

Горан Наумовски

Стигна реакцијата на Русија на „хистеричниот“ самит на Г7

ВИДЕО: Зеленски во Хирошима допатува со воен авион на француската влада

Медведев се закани дека ќе го раскине договорот за жито доколку Г7 го забрани извозот во Русија

Ана Ололовска