Американскиот министер за одбрана, Чак Хејгел на шефот на генералштабот на војската на Египет, Абдел Фатаху ал Сисиј му рече дека на многубројната арапска држава и е потребна мирна цивилна транзиција.
Во разговорот Хејгел истакна дека е многу важна безбедноста за египетскиот народ, соседите но и за целиот регион.
Вашингтон годишно за египетската војска издвојува 1,3 милијарди долари, но претседателот на САД, Барак Обама по последните случувања нареди помошта да се провери.
Во последните два дена, американскиот државен секретар за ситуацијата во Египет разговараше со премиерите на Катар, Саудиска Арабија и Турција, како и со султанот Оаман Квабос Бин Саид и лидерот на египетската опозиција, Мохамед Ел Барадеј.
Елена Георгиевска