„СДСМ нема кандидати за градоначалници во големите општини затоа што никој не им се нафаќа да ги загуби изборите. СДСМ се во шок од анкетите, дури и тие кои ги прават за сопствени потреби покажуваат дека СДСМ губи. СДСМ нема се уште кандидат за градоначалник на Велес затоа што никој не се нафаќа да биде жртвено јагне. Неколку видни членови веќе го одбиле раководството на СДСМ затоа што не сакаат да трчаат однапред изгубена трка во Велес“, соопштува ВМРО-ДПМНЕ.
„Во меч без ракавици не сака да оди никој и во Прилеп. СДСМ го губи градот, и сите се дистанцираат од можноста да се кандидати на партијата која го штити Чипсио, кој како шофер на Заеви шверцаше дрога.
СДСМ губи и во Аеродром. Најнеспособниот скопски градоначалник после Шилегов, Марин ја унакажа општината, трошени се општински пари без ред, а сметката е во минус. Никој не сака да биде боксерска вреќа за криминалот на Марин.
Заев нема луѓе и сите го напуштаат. Анкетите на НДИ се уште еден доказ дека СДСМ губи. Партиските анкети го говорат истото. Затоа секаде каде што до сега имаат соопштено кандидати, се стари и истрошени кадри, нема нови лица затоа што никој не сака да губи.
Наспроти истрошените кадри на Заев и СДСМ, ВМРО-ДПМНЕ нуди нови кадри, чесни луѓе, професионалци во своите области. ВМРО-ДПМНЕ нуди кандидати кои ќе направат од своите општини поубаво место за живеење.
Доаѓаат промени. Народот сака подобро. Време е за Македонија за сите луѓе“, се наведува во соопштението на ВМРО-ДПМНЕ.