Европратеникот од редовите на Хрватската демократска заедници (ХДЗ), Иво Ситер побара од Европската унија „посилно да го поддржи правото на хрватскиот народ во Босна и Херцеговина за негова рамноправност со остантите конститутивни народи – Бошњаците и Србите“.
Со ова, како што објави загрепскиот весник „Вечерњи лист“, првпат хрватското прашање во БиХ се интернационализира во институциите на ЕУ и тоа уште со самиот влез на Хрватска во Унијата.
Ситер оценува дека на европската јавност треба „јасно да и се претстави нерамноправноста на Хрватите во БиХ“ и суштинското кршење на нивните права.
– Иднината на БиХ е во Европа и затоа е потреба послина политика на ЕУ кон БиХ. Таа мора да поаѓа од позицијата дека положбата на хрватскиот народ мора да се промени, бидејќи без Хрватите ќе нема европска Босна и Херцеговина, изјави Ситер, додавајќи дека на сите треба да им е јасно дека за иднината на БиХ ќе се решава во Брисел, а не во Москва или Истанбул.