Во текот на вчерашниот ден во рамки на зајакната акциска контрола на територијата на Република Северна Македонија за санкционирање на возила кои се движат со брзина поголема од дозволената, санкционирани се 302 возачи.
Од нив, соопштија од МВР, 12 возилa се движеле со брзина над 50 километри на час повеќе од дозволеното, а шест возила со дури над 70 километри на час повеќе од дозволената брзина. Притоа, 133 возачи ја пречекориле брзината во населено место, а 168 надвор од населено место.
Од МВР најавуваат дека засилените акциски контроли продолжуваат и во наредните денови.