Телевизијата Фокс Њуз е најгледана информативна програма во САД, додека Си-Ен-Ен почнува да се враќа во второто тримесечие од оваа година, се вели во податоци од најнови анализи.
Но, и покрај водството, Фокс Њуз има најмал рејтинг од август 2001 година меѓу гледачите кои се најзначајна фокус група за маркетинг (25-54 години), се вели во анкетата. Кога ќе се земе предвид целокупниот дневен примерок, Фокс Њуз во просек го следат 1,2 милиони гледачи, Си-Ен-Ен 475.000 и Ем-Ес-Ен-Би-Си околу 360 илјади гледачи.
Разликата е голема во т.н. „прајм тајм“, време навечер од понеделник до петок каде Фокс има 2,2 милиони гледачи, Си-Ен-Ен 733 илјади и Ем-Ес-Ен-Би-Си 660.000 гледачи.
Најпознатиот новинар на Си-Ен-Ен, Пирс Морган кој секоја вечер има емисија од девет часот, има пад на гледаност од шест отсто во однос на минатата година, се вели во анкетата.