Глетка која би била неверојатна во повеќето европски главни градови, но не и во Белград, беше видена денеска во општината Врачар, во центарот на српската престолнина: група работници на градилиште, на температура од 35 степени, вртеа вол на ражен.
Соседите на градилиштето ја повикале комуналната полиција, а снимката, на која се гледа не само раженот, туку и комплетна софра, се прошири на социјалните мрежи.
Beograd,
Vračar,
Goldsfordijeva i Bulevar
2021.
Vo na ražnju???? pic.twitter.com/mCLcfxRrae— Kokili (@TatjanaGS66) July 29, 2021
На друга снимка која ја објави српскиот актер Радослав Миленковиќ, тој ги прашува работниците што слават, а тие му одговараат дека прославуваат за завршениот ископ на објектот. Според дел од медиумите, газдата бил тој што ги честел работниците со печениот вол, поради успешно завршената работа.
Vo na ražnju u sred Beograda…. Snimak napravio naš glumac R. Milenković. pic.twitter.com/lxVCdMlscg
— Marijana Funčić (Tianxia) (@funcic1509) July 29, 2021
Сепак, прославата ја запрела комуналната полиција, која ги предупредила работниците да го запрат вртењето на раженот, поради тоа што чадот им пречел на соседите.
„Гезмето“ на градежните работници со печен вол предизвика илјадници коментари, од кои многу се гневни, но сепак побројни се духовитите.