Силна експлозија во хемиски комплекс го потресе денеска германскиот град Леверкузен, по што голем облак од црн чад се издигна над градот.
RAW: A huge explosion at a chemical park in the western German city of Leverkusen sent a column of black smoke into the air, with officials urging residents to shelter indoors and close their windows. pic.twitter.com/jc2ehvL9T0
— DW News (@dwnews) July 27, 2021
Германската федерална канцеларија за цивилна заштита и помош при катастрофи ја класифицираше експлозијата како „екстремна закана“ и побара од жителите да останат во своите домови и да ги затворат прозорците и вратите, јави ДПА.
Операторите на хемискиот комплекс „С hempark“ во Леверкузен, околу 20 километри северно од Келн, соопштија дека се уште не е позната причината за експлозијата.
Неколку лица се повредени, а некои патишта се делумно блокирани за сообраќај, соопшти полицијата во Келн.
На Твитер е објавено дека се распоредени пожарникари и комбиња за откривање на нивото на загадување. Локален весник пишува дека експлозијата се случила во предградието Бириг во постројка за согорување отпад. Баер, една од најголемите германски хемиски компании, се наоѓа во Леверкузен.