На територијата на град Скопје вчера се изречени вкупно 164 мерки, меѓу кои за возење повеќе од дозволената брзина 30 санкции, во рамки на засилените сообраќајни контроли. Од нив, информираат денеска од Министерството за внатрешни работи, 17 се за возење без возачка дозвола, седум за технички неисправни и нерегистрирани возила, пет за возење под дејство на алкохол, шест прекршоци што ги чинат возачите на мотоцикли.
– Изречени се девет санкции за користење мобилен телефон, четири за минување на затворен сигнал(црвено светло), девет за непочитување на првенство на минување, 44 санкции за непрописно паркирање, се наведува во соопштението од МВР.