Формула 1 официјално претстави нов болид, конструиран според правилата на новите технички прописи со важност од 2022 година. Болидот има поедноставена аеродинамика. Ова треба да ја подобри ситуацијата со претекнување.
– Следната година во Формула 1 започнува ново возбудливо поглавје, со стапување на сила на радикален нов пакет правила за да се обезбедат уште поспектакуларни трки, се вели во соопштението на прес-службата.
Презентацијата се одржа во Силверстоун, каде претстојниот викенд ќе се одржи трката за Големата награда на Велика Британија.