Вчера околу пладне се случила тешка сообраќајна несреќа во Прилеп – возач на камион удрил во мотоциклист, по што избегал од местото на несреќата, оставајќи го тешко повредениот возач на мопед на патот, соопшти полицијата.
„На 06.07.2021 во 12.45 часот било пријавено дека во Прилеп, на ул.„Александар Македонски“, се случила сообраќајна незгода помеѓу товарно возило управувано од лице кое по незгодата го напуштило местото и мопед „Генерик“ со прилепски регистарски ознаки, управуван од Б.К.(54) од Прилеп. Во незгодата возачот на мопедот се здобил со тешки телесни повреди, констатирани во Градската болница Прилеп“, се вели во соопштението од МВР.
Извршен бил увид на местото на незгодата од Полициската станица Прилеп и се преземаат мерки за расчистување на случајот.