29-годишен битолчанец е приведен под сомнение дека од обложувалница во Прилеп украл сеф со пари информираат од Министерството за внатрешни работи.
– Полициски службеници од Надворешната канцеларија за криминалистички работи од ОВР Прилеп во координација со Одделот за криминалистичка полиција од СВР Битола на 02.07.2021 го лишиле од слобода А.Б.(29) од Битола, поради основано сомнение дека е извршител на тешка кражба од спортска обложувалница во Прилеп, при што бил одземен метален сеф со пари. Лицето и кривичната пријава се предадени во Основното јавно обвинителство Прилеп за понатамошна постапка, се вели во соопштението од МВР.