Полициски службеници привеле двајца мажи, едниот од тетовско, другиот од Скопје, кај кои биле пронајдени и одземени марихуана и таблети екстази, информира Министерството за внатрешни работи.
– На 25.06.2021 во 19.45 часот на наплатна станица во с.Желино, полициски службеници од СВР Тетово ги лишиле од слобода Г.Р.(43) од с.Мала Речица, тетовско и Е.А.(31) од Скопје. При преглед во возило „бмв“ со тетовски регистарски ознаки, во кое биле двајцата и при нивен личен преглед биле пронајдени и одземени марихуана и таблети екстази, соопштува МВР.
Тие биле приведени во полициска станица и по целосно документирање на случајот против нив ќе биде поднесена соодветна пријава.