На интернетот се појави нова видео снимка, на која се гледа наводно отсекување на глава на две лица, лојални на сирискиот претседател Башар ал Асад.
Автентичноста на снимката ја потврдија извори од редовите на симпатизерите и противниците на Асад, но не е јасно кој стои зад таа егзекуција.
Во видео клипот, група од неколку стотици луѓе, мажи, жени и деца стојат на еден рид кога се појавуваат двајца мажи врзани и со кеси на главите.
Додека насобраните извикуваа дека „Алах е голем“, двете жртви легнуваат на земјата, а егзекутор им ја отсекува главата на првата, а потоа со нож и на втората жртва.
Снимката која што е направена на „Јутјуб“ ја постави групата „Сириска вистина“, која што го подржува Асад.
Некои медиуми тврдат дека жртвите се христијани и дека тоа е направено од верски причини, а поединци наведуваат дека еден од нив бил свештеник.
Сириската национална коалиција соопшти дека се уште се вршат проверки, дали егзекутерите се од редовите на бунтовниците, укажувајќи дека снимката би можело да биде објавена и од пропагандни причини.
Eлена Георгиевска