Претседателот на Европската комисија, Жозе Мануел Баросо нагласи дека пристапувањето на Хрватска во ЕУ е историски момент, кој ја враќа државата на нејзиното вистинско место, во срцето на Европа.
– Се радувам за хрватскиот придонес, која ќе биде успешна приказна во корист на Унијата, граѓаните на Хрватска и југоисточна Европа, изјави тој.
Баросо додаде дека пристапувањето на Хрватска е и знак за нејзините први соседи.
– Тоа покажува дека европската перспективна е вистинска за оние држави кои се определија за ЕУ, односно јасен знак за регионот. ЕУ ќе ги исполни своите ветувања, доколку се спроведат реформите и се исполнат условите, наведе тој.
Претседателот на ЕК истакна дека борбата против корупција е важна, не само за кандидатите, туку и за сите држави членки.
– Важно е државите да покажат дека никој не е над законот и дека правата функционираат во интерес на нивните граѓани, порача Баросо.
Eлена Георгиевска