Грчкиот заменик министер за цивилна заштита, Никос Хардаљас, денеска соопшти дека од утре во пет часот наутро, се укинува мерката за задолжително носење маска на отворен простор. Препораката е маските, сепак, да се носат на места на отворено каде што има гужви. Во затворен простор обврската за задолжително носење и натаму важи.
Од понеделник, 28 јуни, се укинува и полицискиот час, а на масите во угостителски објекти ќе биде дозволено да седат најмногу десет лица.
-Јасан и подобрена е епидемиолошката слика во земјата, изјави членката на Комитетот за инфективни болести и владин советник, Вана Папаевангелу, додавајќи дека изгледите се добри.
Таа додаде дека се додека вирусот циркулира меѓу луѓето, нема простор за самозадоволство. Папаевангелу изјави дека колку подолго циркулира вирусот, толку се поголеми шансите за нови мутации.