Синоќа околу 21 часот во селото Сушица, струмичко, додека Д.С.(33) се наоѓала во кујната, влегол нејзиниот сопруг Н.С.(39) и започнал да ја навредува и да и се заканува со физички напад.
Во исто време, во кујната се наоѓал и нивниот малолетен син, 15-годишниот Т.С., кој кога видел дека неговата мајка е во опасност се обидел да ја заштити така што застанал пред неа.
Н.С. револтиран од неговата постапка, со тупаница го удрил по лицето, а Т.С. исплашен за својата безбедност и безбедноста на својата мајка зел еден нож и го повредил Н.С. во пределот на стомакот.
Н.С. е пренесен во Медицински центар Струмица, каде што му била констатирана убодна рана во пределот на стомакот. Се преземаат мерки за целосно расчистување на случајот.