Градоначалникот на општина Центар Андреј Жерновски, денеска во својот кабинет го прими капитенот на македонската кошаркарска репрезентација, Перо Антиќ.
Жерновски и Антиќ разговараа за состојбите во македонскиот спорт, особено во кошарката.
Градоначалникот Жерновски од капитенот на македонската кошаркарска репрезентација беше информиран за подготовките за претстојното Европско кошаркарско првенство , кое се одржува во Словенија, каде што Македонија ќе го брани 4-то место.
Жерновски се интересираше за искуствата и достигнувањата на кошаркарската ѕвезда Перо Антиќ кој е двократен клубски европски првак.
