Три лица од Авганистан во полициската станица во Куманово пријавиле дека биле ограбени во близина на Транзитниот центар Табановце. Во полицијата рекле дека ги нападнале неколку лица од Индија и од Пакистан и им одзеле пари.
„По преземени мерки, во врска со настанот, во с.Лојане, општина Липково, од слобода биле лишени Л.С.(23) од Индија, М.А. од Пакистан, И.Х.(31) од Пакистан, П.К.(20) од Индија и 16-годишник од Пакистан. Кај нив биле пронајдени и одземени еден пиштол „Зораки“ со една празна рамка, четири куршуми и еден нож“ – информираат од МВР.
Приведените биле однесени во полициска станица и по целосно документирање на случајот против нив ќе биде поднесена соодветна пријава.