Министерството за внатрешни работи информира дека во текот на вчерашниот ден на територијата на град Скопје изречени биле вкупно 131 меркa, меѓу кои за возење повеќе од дозволената брзина 19 санкции, 11 за возење без возачка дозвола, четири за технички неисправни и нерегистрирани возила.
Од МВР воедно соопштуваат дека биле изречени шест санкции за користење мобилен телефон, осум прекршоци за возачи на мотоцикли, 12 за непочитување на првенство на минување, 53 санкции за непрописно паркирање.
-Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, стои во соопштението од МВР.
