Се крадат знаци за сообраќајна сигнализација од патиштата, а со тоа возачите се доведуваат во заблуда кога патуваат, соопшти денеска раководителот на подрачната единица на „Македонија пат“ во Неготино, Петар Емшов.
– Апелирам до несовесните граѓани да престанат да прават штета во сообраќајот. Последиците од таквите непромислени постапки ги трпиме сите ние заедно, нагласи Емшов.
Истовремено информираше дека во моментов се ангажирани на санација на оградите на патиштата кои се оштетени од сообраќајни несреќи на повеќе места во регионот кој го покрива оваа подружница.
Продолжува и обележувањето на патиштата со хоризонтална сигнализација како и чистењето на одроните кои ги предизвикаа дождовите на одделни места.