„Уште една сомнителна зделка и милионски тендер на најкриминалната влада во Европа. Во услови кога економијата тоне, фирмите мака мачат со исплата на плати за вработените, а граѓаните едвај врзуваат крај со крај, Зоран Заев и бандата околу него се расфрлаат со народните пари и расипнички ги трошат на тотално непотребни и налудничави „проекти“.
Токму ова нерационално и расипничко трошење на Владата на Зоран Заев ќе ги чини граѓаните речиси 3 милиони евра односно 172 милиони денари, народни пари од Буџетот на Република Македонија“, кажа Кирил Пецаков, пратеник на ВМРО-ДПМНЕ.
„Оттука, соочени со секојдневните милионски скандали и криминали, но и познавајќи го степенот на криминалитет на Владата предводена од Зоран Заев и СДСМ, ние отворено се сомневаме околу износот од 3 милиони евра за набавка на картички со кои на српските туристи ќе им се овозможи летово да транзитираат низ Македонија без да платат патарини.
Токму поради огромниот милионски износ и сомнежот кој што постои во јавноста, Зоран Заев и Владата мора да дадат одговори на неколку логични прашања кои што македонската јавност мора да ги слушне.
Владата и Зоран Заев мора да одговорат како е дојдено до таа сума од 3 милиони евра за набавка на картички за патарина?
Владата и Зоран Заев мора да одговорат зошто оваа мерка не се воспостави со едноставно кревање на рампа и видео надзор на автомобилите со српски регистарски таблици?
Исто така, како пратеник кој доаѓа од Охрид, јас и охриѓани сакаме да добиеме одговор од Зоран Заев и Владата, зошто оваа мерка не се воспостави и не важи и за Охрид како летна туристичка дестинација за илјадници српски државјани туку важи само за Грција?
Очигледно, за Зоран Заев и најкриминалната Влада во Европа зборовите транспаретност, отчетност и одговорност немаат никакво значење. Тие се занимаваат само со бизнис зделки и милионски профити.
Токму затоа, одговорите на овие прашања македонската јавност мора да добие и да ги слушне.
Граѓаните мора да знаат каде, зошто и како се трошат нивните пари“, изјави Кирил Пецаков, пратеник на ВМРО-ДПМНЕ.