Градоначалникот на општина Центар, Андреј Жерновски оствари средба со жителите на Пролет и Ново Маало.
Два часа, Жерновски и неговиот тим ги слушаа и бараа решенија за проблемите кои ги мачат со години.
Се пожалија дека сите претходници на Жерновски доаѓале, за избори им ветувале се, но потоа ги заборавале до следните избори.
Некои очекуваа дека сега веднаш треба да им се решат проблемите со канализацијата, улиците, паркинзите, легализацијата, фасадите.
Жерновски им објасни дека сите прашања кои ги тиштат и им создаваат главоболки ќе бидат разгледани и во рамките на законот и можностите решени.
Ова е една од сериите директни средби на градоначалникот на Центар, Андреј Жерновски со граѓаните.
Утре од 9 до 15 часот е „Отворениот ден за средби“ во општината. Сите кои претходно имаат закажано ќе бидат примени и ќе ги изложат своите проблеми на градоначалникот и на неговите соработници.
