Пред една година во телевизиско соочување му порачав на Петре Шилегов да се обединиме, и леви и десни, и власт и опозиција, околу прашањето за фудбалскиот клуб „Вардар“. За жал, тој тогаш таа понуда ја одби, и во овој момент фудбалскиот клуб „Вардар“ е во втората македонска лига рече на прес конференција претседателот на скопската градска организација на ВМРО-ДПМНЕ, Владимир Нелоски.
„Петре Шилегов можеше во изминатава година да најде начин наместо да се занимава со некои т.н. бугарски инвеститори, катарски спонзори итн. да најде вистинско решение за фудбалскиот клуб „Вардар“. Она кое што треба Петре Шилегов да го направи во наредниот период е да побара од сопственикот на клубот, прво да се обврзе да ги подмири сите долгови кои што се настанати до овој датум заклучно со 31.12.2021 година. Потоа да побара од сопственикот да го даде на располагање и на користење комплексот за првата екипа во Гази Баба на фудбалскиот клуб „Вардар“. И подоцна Град Скопје да си го преземе тековното финансирање на нашиот ценет и сакан „Вардар““ – вели Нелоски.