Генералниот секретар на ОН, Антонио Гутереш, повика на итен прекин на непријателствата во Израел и Појасот Газа, изјави портпаролот на ОН, Стефан Дижарик.
„Генералниот секретар апелира до двете страни веднаш да ги запрат борбите во Газа и Израел“, рече Дижарик.
Тој истакна дека ОН се подготвени да помогнат во израелско-палестински договор врз основа на релевантни резолуции на ОН, меѓународно право и билатерални договори, со помош на други медијатори, вклучувајќи ги Русија, САД и Европската унија.
Дижарик исто така потврди дека ОН се вклучени во напорите за обезбедување на потребната хуманитарна помош на загрозеното население во Газа.