Беровецот Александар Черговски, кој беше исчезнат речиси три месеци и чие семејство бараше помош од јавноста за да го најде, денес се јавил кај блиските.
Черговски ја напуштил Германија на 18 февруари и тргнал кон дома, а последната трага од него беше снимката од безбедносна камера на „Табановце“, непосредно откако влегол во Македонија.
Неговото семејство, кое живее во Берлин, ја алармирало полицијата, а во потрагата по Александар се вклучил и Интерпол.
Сепак, 39-годишниот беровец денеска стапил во контакт со роднините, но според информациите од семејството, тој во првиот контакт само ги известил дека е жив и здрав, но не открил каде се наоѓа во моментов, ниту каде бил во изнинатите три месеци.
Членовите на неговото семејство им се заблагодарија на сите кои вложиле напори да се пронајде исчезнатиот Черговски.