Јувентус му испрати дрес на Еди Рама како честитка за третиот мандат

Албанскиот премиер Еди Рама е познат како голем љубител на спортот, особено на фудбалот. Тој е голем фан на италијанскиот гигант Јувентус и во секоја можна прилика е на трибините да го бодри тимот.

Рама и неговата Социјалистичка партија победија на парламентарните избори во Албанија, добивајќи доверба од граѓаните за трет мандат.

Италијанскиот фудбалски клуб честитајќи му ја победата на Рама му испрати дрес со бројот три, во чест на добиениот трет мандат.

За добиениот подарок од Јувентус, Рама се пофали на Фејсбук.

-Еве честитка и од Јуве за третиот мандат.„Grazie Juve“ напиша Рама.