Светската здравствена организација (СЗО), заедно со германските власти, во Берлин ќе формираат центар за анализа на податоци за пандемии и епидемии со цел спречување и ефикасна реакција, се наведува во соопштението од седиштето на СЗО во Женева.
„СЗО и Германија ќе формираат нов глобален центар за податоци за пандемии и епидемии, надзор и аналитички иновации“, се вели во соопштението.
Центарот со седиште во Берлин „ќе соработува со партнери од целиот свет“. Ќе ги анализира информациите за да „предвиди, спречи и идентификува ризици од пандемии и епидемии во светот, како и да се подготви за нив и да изгради адекватен одговор“.