Основното јавно обвинителство Гостивар поведе постапка против 57-годишен жител на село Здуње, за кој постои основано соменине дека сторил кривично дело „Неовласетно производство и пуштање во промет на наркотични дроги, психотропни супстанции и прекурсори“ од член 215 став 1 од Кривичниот законик.
-При претрес во возилото на осомничениот, на 28 април 2021 година, овластени службени лица пронашле десет грама наркотична дрога хероин, која осомничениот ја набавил заради продажба. Дрогата била спакувана во две одделни пакувања и скриена зад ретровизорот, информира Јавното обвинителство.
Во насока на непречено одвивање на постапката, јавниот обвинител до надлежниот суд достави предлог за определување на мерка притвор за осомниченото лице. Судијата на претходна постапка од Основниот суд Гостивар го прифати предлогот на обвинителството и со Решение на осомничениот му определи притвор во траење од 30 дена.