Поради поплави во Канада денеска се евакуирани околу 100.000 жители на Калгари и околината, училиштата се затворени, а два хеликоптера и повеќе стотина војница се ангажирани во 24 градски населби, бидејќи поројниот дожд доведе до излевање на реките Боу и Елбоу во овој олимписки град и ширум западниот дел на земјата.
Градоначалникот на Калгари Нахид Ненши ги повика граѓаните да ги земат најпотребните работи и да ги напуштат домовите на неколку дена.
Полицијата патролирала низ улиците и преку мегафон ги потсетувала сограѓаните на евакуација.
Силните дождови ги затворија патиштата и мостовите во другите делови на канадската покраина Алберта, но засега нема информации за жртви и повредени.
Уште 12 места во соседните канадски провинции прогласиле вонредна состојба, а лизгањето на земјиштето го блокирало трансканадскиот автопат, што предизвика изолирање на планинско одморалиште во градот Банф.