Адвокатката Бегова тврди дека на снимката не е Јане Ченто и се закани со тужба

Од:

Адвокатката Анита Бегова која вели дека е бранител на осудениот Јане Ченто за „27 април“, тврди дека гласот на снимката која е објавена на „Јутуб“, не е на нејзиниот клиент.

„А1он“ го објавува интегрално ставот и барањето на адвокатката Бегова:

„Денес, на ден 28.04.2021 на вашиот портал А1он.мк е објавен текст со аудио запис и наслов ,,Заев ќе биде изрешетан како куче, ќе лежам доживотно”, снимка на “Jутуб” на која пишува дека Ченто и Ќосето зборуваат за ликвидација.

Во својство на адвокат на Јане Ченто,барам ВЕДНАШ И БЕЗ ОДЛАГАЊЕ да го тргнете името и презимето Јане Ченто од насловот и посочената статија и јавно да се извините за објавување на истата и инволвирање на Г-динот Јане Ченто во разговор во кој тој не учествувал.

Пред се, гласот на снимката воопшто не е на Јане Ченто, а неовластено објавување на било чиви телефонски разговори или снимање и репродуцирање на туѓи разговори е кривично дело, што мора да ви е познато.

Во ист формат и во истата рубрика – почетна, барам веднаш и без одлагање да го објавите ова писмено барање за јавно извинување, да се извините јавно и да ја повлечете оваа клеветничка и штетна вест, со која ќе се ублажат последиците од нанесената клевета и ќе се избегне ваша граѓанска одговорност за сторената клевета пред граѓански суд“.

„А1он“ нема објавено никаква снимка со посоченото лице Јане Ченто, туку пренесува аудио материјал кој е објавен јавно на „Јутуб“. „А1он“ никаде не тврди дека се работи за Јане Ченто, туку како што е прецизно напишано и во текстот, само пренесува како гласи насловот и кој според истиот учествувал во разговорот.

Би можело да ве интересира

Нова кривична пријава против поранешниот градоначалник на Лозово

Катерина Ѓуровски

ВИДЕО: МВР го најде скопјанецот коњ влечеше кон врзан за автомобил, треба да одговара за „мачење животни“

Работно време на Управните служби на МВР за време на Велигденските празници

Кривична за 10 специјалци на МВР кои незаконски добивале пари

Горан Наумовски

Работно време на Управните служби на МВР за време на Велигденските празници

МВР: Обвинителото Коцевски не ја наруши вчерашната акција за апсење на седум полицајци

Горан Наумовски