Министерството за внатрешни работи во текот на вчерашниот ден продолжи со засилените акциски контроли во областа на сообраќајот на територијата на град Скопје, при што се изречени вкупно 210 мерки, меѓу кои 41 за возење со брзина поголема од дозволената, четири за возење без возачка дозвола и шест за технички неисправни и нерегистрирани возила, соопшти МВР.
– Изречени се три санкции за користење мобилен телефон, 19 прекршоци што ги чинат возачи на мотоцикли, три за возач почетник и шест санкции за непрописно паркирани возила. Засилените сообраќајни контроли продолжуваат и во наредните денови, информираат од МВР.
Од таму апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.