Вработени во Домот за деца со воспитни и социјални проблеми во скопската населба Ѓорче Петров вчера пријавиле дека 12-годишно дете од Кочани, нивни штитеник, избегало од Домот.
„На 22.04.2021 во 15.03 часот во Полициската станица Ѓорче Петров било пријавено дека од Јавна установа за згрижување на деца со воспитни и социјални проблеми и нарушено поведение се оддалечил И.Д.(12) од Кочани“, велат од полицијата.
Од МВР додаваат дека се преземаат мерки за пронаоѓање на лицето.