„Заев го штитеше Мијалков додека му беше потребен за проблеми во ВМРО, тој му беше бизнис и политички партнер. 4 години СДСМ не го спомнуваше Мијалков во соопштение, затоа што беше дел од коалицијата Зоран – Вице – Сашо.
На сите нивоа на СДСМ Заев издал наредба да не се спомнува името на Мијалков, а тој добиваше максимална логистика од власта.
Заев беше во коалиција со Мијалков до вчера“, реагира ВМРО-ДПМНЕ на прес-конференцијата на Миле Талевски од СДСМ.
„Заев е во коалиција и со целата криминална болумента од регионот и светот.
Заев 4 години издавал пасоши на светски криминалци, нарко босови и терористи.
Заев систематски ја уривал државата и нејзиниот кредибилитет во очите на нашите партнери.
Заради Заев македонскиот пасош бил употребуван во криминални цели и тероризам. Заев е закана за светската безбедност. И Заев ќе одговара. Штетите кои ги предизвика му се познати, и знае дека за истите нема да може да избега од одговорност“, се наведува во реакцијата на ВМРО-ДПМНЕ.