Русија и нејзините партнери од Г-8 подготвија заедничка декларација за граѓанската војна во Сирија.
– Што е можно најбрзо треба да се договори преодна влада со извршни овластувања, изјавија извори на средбара на Г-8 во Северна Ирска. Во декларацијата никаде не се споменува идната улога на сирискиот претседател Башар ал Асад.
– Русија блокира секакво споменување на судбината на сирискиот лидер во конечниот документ од средбата на Г-8, истакна рускиот заменик министер за надворешни работи Сергеј Рјабков.
Според него, лидерите од Г-8, вклучувајќи ги и рускиот Владимир Путин и американскиот Барак Обама, веројатно че повикаат за напредок во организирањето на мировна конференција за Сирија, која Москва ја смета за единствен начин да се реши конфликтот во оваа земја.