Првата пратка со вакцини „АстраЗенека“ за државава преку Ковакс механизмот пристигна изутринава пред осум часот на Меѓународниот аеродром Скопје.
„Очекувањата во делот на времето не се исполнија, вакцините доаѓаат со задоцнување, сите земји се соочени со овој предизвик, добро е што овој систем функционира, во следните месеци ќе знаеме точно колку вакцини ќе приситгнуваат за да можеме да го организираме системот на имунизација“ – рече министерот за здравство Венко Филипче.
На скопскиот аеродром, пратката ја пречекаа министерот за здравство Венко Филипче, странски амбасадори, како и претставници на СЗО, УНИЦЕФ и регионалната канцеларија на ОН.
Со 24.000 вакцини „Астра зенека“ се очекува в среда да почне масовната имунизација на населението во државава. Со нив ќе бидат опфатени лицата над 75 години.