Градоначалникот на општина Центар, Андреј Жерновски, во својот кабинет, го прими амбасадорот на Република Чешка во Скопје, Мирослав Рамеж.
Разговарано е за унапредување на односите со единиците на локалната самоуправа од двете држави и за збратимување и поблиски контакти на општина Центар со општини во Чешка.
Амбасадорот Рамеж од градоначалникот Жерновски побара подостоинствен изглед на спомен обележјето кое е поставено на местото каде што живеел првоборецот Роберт Гајдиќ Славко, роден во 1923 година во ЧССР.
Жерновски вети дека ќе направи се, што е во надлежност и можност на општината за да биде ова место согласно на големината на ликот и делото на Гајдиќ.
