Катерина Цаневска Арсовска, од Кабинетот на градоначалникот Андреј Жерновски, на прес- конференција посочи дека блокадите врз општината Центар, се прават и одвнатре и однадвор.
Градоначалникот Жерновски, рече, веќе плати казна од 1.500 евра по налог од Трудова инспекција, а денеска и тоа само благодарение на тоа што е направено порамнување, плати казна од 7.500 илјади евра, инаку предвидената казна е 15.000 евра.
Жерновски за да ја плати оваа казна ќе подигне кредит.
„И тоа замислете, поради доцнење од „цел“ еден ден за непостапување по инспекциски надзор. Значи за 24 часа, 7.500 илјади евра.
– И дека не се работи со ист аршин, тоест дека актуелното раководство на Центар е на удар, ќе ви потврди фактот, што најдовме дека има останато предмети по кои не е постапено од многу порано“, рече Цаневска-Арсовска.
Секојдневни „гости“ во општината се инспекторите.
Општината и градоначалникот велат дека се добредојдени, но очекуваат инспекциите да се се ревносни во сите општини, а не само во Центар.
Петар Клинчарски