Германската канцеларка Ангела Меркел соопшти дека Германија е подготвена да ја надомести штетата од поплавите и дека за тоа ќе одвои околу 8 милијарди евра.
Според нејзините зборови нема да има зголемување на даноците за да се дојде до тие пари, туку наведе дека трошоците ќе ги поделат сојузната администрација и државите.
По состанокот со претседателите на 16-те сојузни држави, Меркел истакна дека деталите за надомест на штетите се уште не се разработени до крај, но раче дека издавањето на државни обврзници е една од можностите.
Агенцијата за кредитен рејтинг „Фич“ неделава процени дека штетата од поплавите во Германија ќе достигне 12 милијарди евра.
Фондот за помош од поплавите во 2002 година изнесуваше седум милијарди, но целосно не беше потрошен.
Елена Георгиевска