Бројот на новозаболени од Ковид-19 зголемен за 23 посто, ковид центрите под голем удар

Од:

Бројката на новозаразени со Ковид-19 во едно деноноќие првпат по подолго време надмина 1000. Во претходните 24 часа беше регистриран 1031 новозаболен пациент. Континнуираниот раст на новозаболени како и се поголемата доминација на британската мутација во земјава предизвикува нов удар на болничките капацитети.

Поради зголемениот број пациенти кои имаат потреба од хоспитализација, отворени се и ковид центрите на Клиниката на нефрологија, Клиниката за Гастроентерохепатологија, Клиниката за очни болести и ковид центарот на Клиниката за уво нос и грло. На Интерните клиники вкупно се лекуваат 166 пациенти.

Според последните податоци од Министерството за здравство вкупната бројка пациенти кои се лекуваат на инфективните оддели во главниот град и во болниците низ земјава е 995. На инфективните оддели во главниот град се лекуваат вкупно 406 пациенти и голем дел од нив се на кислородна поддршка. МЗ информира дека во земјава има околу 400 празни кревети во ковид центрите.

Во моментов во земјава се активни 11 641 случаи на заболени од Ковид-19. Од почетокот на епидемијата досега во земјава се регистрирани 112 107 дијагностицирани лица, оздравеа 97 166 лица, а починаа 3300. Во вчерашниот билтен на Министерството за здравство дневниот биланс достигна четири цифрена бројка – 1031 нов случај на заболени од Ковид 19 од направени 4.373 тестирања. Од нив, речиси половина се во Скопје – 492. Вчера беа регистрирани и 20 починати пациенти на возраст од 50 до 93 години.

Бројот на новозаболените изминатиот период бележи раст. Според последниот извештај на Институтот за јавно здравје има зголемување за 23 отсто на случаите во однос на минатата недела.

Би можело да ве интересира

Регистрирани се нови 57 случаи на Ковид, четворица починати како последица на вирусот

Катерина Ѓуровски

СДСМ: Се случи најлошото, почина пациентка која не била примена на интензивна нега на Инфективна клиника

Катерина Ѓуровски

Вкупно 250 случаи на Ковид-19 во јули во државава

Грип, ковид и инфекции на дишните патишта ги полнат амбулантите и болниците

Ковид-19 од денес е обична заразна болест, укинати и последните мерки за носење маски

A1on

Пендаровски го потпиша Указот за новиот Закон за амнестија за прекршоците во ковид кризата

Катерина Ѓуровски